Staĝoj

...............................................................................(français)

Staĝoj : Nur estas en tiu listo "gravaj staĝoj", daŭrante plurajn tagojn. Krome, multaj kursoj kaj staĝetoj okazas dum la tuta jaro en tuta Francio : informiĝu el via loka asocio.

Pedagogia studsesio : Ekzercoj - kreado kaj solvado

Kie ? en la kulturcentro Kvinpetalo, en vilaĝo Bouresse en bela regiono Puatuo Kiam ? de la 21a ĝis la 25a de oktobro 2019 Kun kiuj ? Elstara gvidanto Katalin Kováts (kaj same elstaraj partoprenantoj : vi)

Katalin Kováts, redaktoro de edukado.net kaj sperta trejnisto de Esperanto-instruistoj, gvidos 5-tagan seminarion pri pedagogio.

En la seminario, la partoprenantoj detale analizos la lingvajn kapablojn, trastudos la plurcenteran ekzercokolekton de edukado.net, mem kreos ekzercojn kaj solvos aliajn. Specialan atenton ricevos tiklaj gramatikaj problemoj (kiel la uzo de akuzativo, posedaj pronomoj, participoj kaj aliaj) kaj evoluigo de aŭdkompreno kaj parolkapabloj.

Eble aspektas timige serioze, sed mi povas certigi, ke dum tiaj seminarioj en pasintaj jaroj estis grandioza etoso. Estos sendube same ĉi foje. Ne maltrafu la okazon ĝui ĝojigan lernadon !

La seminario taŭgos kaj por lingvolernantoj kaj por instruantoj ekde la nivelo B1-B2.

Esperanto-Centro KVINPETALO

Akceptejo kaj poŝta adreso : 4 rue du Bureau, FR-86410 BOURESSE

Retadreso : informoj@kvinpetalo.org

Telefono : (+) 33 (0) 549 034 314

Retpaĝaro (pri restado, prezo, kaj aliaj teknikaj informoj) : http://www.kvinpetalo.org